ಕಮಲಜನು ನಿನ್ನ ಪಾದಕಮಲವನು ತೊಳೆದಿಹನು ಉಮಾಪತಿಯು ನಿನ್ನ ಪಾದಜಲವ ಪೊತ್ತಿಹನು ಯಮಜ ಮಾಡುವ ರಾಜಸೂಯಾಗದಲ್ಲಿ ಮಮಕರಿಸಿದೆ ಎಂತೊ ಕಾಲ ತೊಳೆವ ಊಳಿಗವ ? ಮಮಪ್ರಾಣಾ ಹಿ ಪಾಂಡವಾಃ ಎಂಬ ಬಿರುದಿಗಾಗಿ ನಮೋ ನಮೋ ಎಂಬೆ ಪುರಂದರವಿಠಲ
ಸಾರಾಂಶ :
ಕಮಲಜನು ನಿನ್ನ ಪಾದಕಮಲವನು ತೊಳೆದಿಹನು → ಕಮಲದಿಂದ ಹುಟ್ಟಿದ ಬ್ರಹ್ಮನು ನಿನ್ನ ಪಾದಕಮಲಗಳನ್ನು ತೊಳೆದಿದ್ದಾನೆ.
ಉಮಾಪತಿಯು ನಿನ್ನ ಪಾದಜಲವ ಪೊತ್ತಿಹನು → ಉಮಾಪತಿ (ಪಾರ್ವತಿಯ ಪತಿ ಶಿವನು) ನಿನ್ನ ಪಾದತೀರ್ಥವನ್ನು ತನ್ನ ಮೇಲೆ ಧರಿಸಿದ್ದಾನೆ.
ಯಮಜ ಮಾಡುವ ರಾಜಸೂಯಾಗದಲ್ಲಿ ಮಮಕರಿಸಿದೆ ಎಂತೊ ಕಾಲ ತೊಳೆವ ಊಳಿಗವ ? → ಯುಧಿಷ್ಠಿರನು ಮಾಡಿದ ರಾಜಸೂಯ ಯಾಗದಲ್ಲಿ ನೀನು ಪ್ರೀತಿಯಿಂದ ಪಾದಪ್ರಕ್ಷಾಳನೆ ಸೇವೆ ಮಾಡಿದೆಯಲ್ಲ — ಇಂತಹ ಸೇವೆಯನ್ನು ಎಷ್ಟು ಕಾಲದಿಂದ ಮಾಡುತ್ತಿದ್ದೀಯೋ?
ಮಮಪ್ರಾಣಾ ಹಿ ಪಾಂಡವಾಃ ಎಂಬ ಬಿರುದಿಗಾಗಿ → “ಪಾಂಡವರು ನನ್ನ ಪ್ರಾಣ” ಎಂಬ ನಿನ್ನ ಬಿರುದನ್ನು ಕಾಯ್ದುಕೊಳ್ಳಲು.
ಮೂರು ನಾಮಂಗಳ ಧರಿಸಿದ ದಾಸರು ವೀರ ಮಾರುತಿ ಮತದವರು ಸಾರುತ್ತ ಬೊಮ್ಮಾದಿ ಸುರರುಗಳನ್ನು ತಾರತಮ್ಯದಿಂದ ತಿಳಿದು ಬಾರಿಬಾರಿಗೆ ನಿಮ್ಮ ಹಾರೈಸಿ ಆನಂದ ವಾರಿಧಿಯಲಿ ಮಗ್ನರಾಗಿ ತಾರರು ಮನಸಿಗೆ ಮುರಡು ದೇವತೆಗಳ ಸಾರ ಹೃದಯರು ನಿಂದಿಹರು ||5||
ಅಂದು ಬಲೀಂದ್ರನ್ನ ದ್ವಾರದಿ ನೀನಿರೆ ಮಂದಮತಿಯು ರಾವಣನು ಬಂದು ಕೆಣಕೆ ನಗುತ ಮಹಾಲೀಲೆ ಯಿಂದಲಿ ನೀನಾ ಖಳನ ಒಂದು ಶತಯೋಜನ ತಡಮಾಡದಲೆ ನೀ ಹಿಂದಕ್ಕೆ ಬೆರಳಲ್ಲಿ ಒಗೆದೆ ಇಂದು ನಿನಗೆ ಈ ರಥವ ನಡೆಸುವುದು ಅಂದವಾಗಿಹುದೇನೊ ದೇವ||6||
ಬಂಗಾರ ರಥದೊಳು ಶೃಂಗಾರವಾದ ಶ್ರೀ ಮಂಗಳಾಂಗ ಕಳಿಂಗ ಭಂಗ ನರಸಿಂಗÀ ಅಂಗಜ ಜನಕ ಸಾ- ರಂಗ ರಥಾಂಗ ಪಾಣಿ ಸಂಗ ನಿಸ್ಸಂಗ ಮಾತಂಗ ವಿಹಂಗ ಪ್ಲ- ವಂಗ ನಾಯಕ ಪರಿಪಾಲ ಸಂಗೀತ ಲೋಲ ಗೋಪಾಂಗನೆಯರ ಅಂತ- ರಂಗ ಸಂತಾಪ ವಿದೂರ ||7||
ಹತ್ತು ಗೋದಾನಕೆ ಸಮ, ಹರಿಗೆ ವೃಷಭ ದಾನ ಹತ್ತು ವೃಷಭಕೆ ಸಮ, ಹಾರುವ ಕುದುರೆಕಾಣಿರೊ ಹತ್ತು ಕುದುರೆಗೆ ಸಮ, ಹಸ್ತಿದಾನಕಾಣಿರೊ ಹತ್ತು ಹಸ್ತಿಗೆ ಸಮ, ಒಂದು ಕ್ರತು ಹತ್ತು ಕ್ರತುವಿಗೆ ಸಮ, ಹರಿಭಕ್ತರಿಗೆ ಕನ್ಯಾದಾನಕಾಣಿರೊ ಹತ್ತು ಕನ್ಯಾದಾನಕೆ ಸಮ, ಹಸಿದವಗೆ ಅನ್ನದಾನಕಾಣಿರೊ ಹತ್ತು ಅನ್ನದಾನಕೆ ಸಮ, ಉದಕದಾನಕಾಣಿರೊ ನಿತ್ಯ ಪುರಂದರವಿಠಲನ ನೆನೆವ ಪುಣ್ಯಕೆಣೆಯಿಲ್ಲ ಎಣೆಯಿಲ್ಲಕಾಣಿರೊ ||
