ಎಂತು ನಿನ್ನ ಪೂಜೆ ಮಾಡಿ ಮೆಚ್ಚಿಸುವೆನೊ ||ಪ||

ಚಿಂತಾಯತನೆ ನಿನ್ನ ನಾಮ ಎನಗೊಂದು ಕೋಟಿ ||ಅ.ಪ||

ಪವಿತ್ರೋದಕದಿ ಪಾದ ತೊಳೆವೆನೆಂತೆಂದರೆ |
ಪಾವನೆಯಾದ ಗಂಗೆ ಪಾದೋದ್ಭವೆ ||
ನವಕುಸುಮವ ಸಮರ್ಪಿಸುವೆನೆಂದರೆ ಉದು |
ಭವಿಸಿಹನು ಅಜ ನಿನ್ನ ಪೊಕ್ಕುಳ ಹೂವಿನಲಿ ||೧||

ದೀಪವನು ಬೆಳಗುವೆನೆ ನಿನ್ನ ಕಂಗಳು ಸಪ್ತ |
ದ್ವೀಪಂಗಳೆಲ್ಲವನು ಬೆಳೆಗುತಿಹವೋ ||
ಆಪೋಶನವನಾದರೀವೆನೆಂತೆಂಬೆನೆ |
ಆಪೋಶನವಾಯ್ತು ಏಳು ಅಂಬುಧಿಯು ||೨||

ಕಾಣಿಕೆಯಿತ್ತಾದರೂ ಕೈ ಮುಗಿವೆನೆಂದರೆ |
ರಾಣಿವಾಸವು ಸಿರಿದೇವಿ ನಿನಗೆ ||
ಮಾಣದೆ ಮನದೊಳು ನಿನ್ನ ನಾಮಸ್ಮರಣೆ |
ಧ್ಯಾನವನು ದಯೆ ಮಾಡೋ ಪುರಂದರವಿಠಲ ||೩||

ಕೃತಿಕಾರರು : ಶ್ರೀ ಪುರಂದದಾಸರು

Entu Ninna Pooje Maadi Mecchuveno

Entu ninna pooje maadi mecchuveno || Pa ||

Chintaayatane ninna naama enagondu koti || A.pa ||

Pavitrodakadi paada toleventendare |
Paavaneyaada Gange paadodbhave ||
Navakusumava samarpisuvenendare
udbhavisihanu Aja ninna pokkula hoovinali || 1 ||

Deepavanu belaguvene ninna kangalu sapta |
Dweepangalellavanu belegutihavo ||
Aaposhanavanaadaareeve nentembene |
Aaposhanavaaytu elu ambudhiyu || 2 ||

Kaanikeyittaadaru kai mugivenedare |
Raanivaasavu Siridevi ninage ||
Maanade manadolu ninna naamasmarane |
Dhyaanavanu daye maado Purandara Vithala || 3 ||