Lyrics in English

॥ ಶ್ಯಾಮಲಾದಂಡಕಂ ಕಾಲಿದಾಸವಿರಚಿತಮ್ ॥
॥ ಅಥ ಶ್ಯಾಮಲಾ ದಂಡಕಮ್ ॥

ಮಾಣಿಕ್ಯವೀಣಾಮುಪಲಾಲಯನ್ತೀಂ
ಮದಾಲಸಾಂ ಮಂಜುಲವಾಗ್ವಿಲಾಸಾಮ್ ।
ಮಾಹೇನ್ದ್ರನೀಲದ್ಯುತಿಕೋಮಲಾಂಗೀಂ
ಮಾತಂಗಕನ್ಯಾಂ ಮನಸಾ ಸ್ಮರಾಮಿ ॥ 1॥

ಚತುರ್ಭುಜೇ ಚನ್ದ್ರಕಲಾವತಂಸೇ
ಕುಚೋನ್ನತೇ ಕುಂಕುಮರಾಗಶೋಣೇ ।
ಪುಂಡ್ರೇಕ್ಷುಪಾಶಾಂಕುಶಪುಷ್ಪಬಾಣ-
ಹಸ್ತೇ ನಮಸ್ತೇ ಜಗದೇಕಮಾತಃ ॥ 2॥

ಮಾತಾ ಮರಕತಶ್ಯಾಮಾ ಮಾತಂಗೀ ಮದಶಾಲಿನೀ ।
ಕುರ್ಯಾತ್ ಕಟಾಕ್ಷಂ ಕಲ್ಯಾಣೀ ಕದಂಬವನವಾಸಿನೀ ॥ 3॥

          ॥ ಸ್ತುತಿ ॥

ಜಯ ಮಾತಂಗತನಯೇ ಜಯ ನೀಲೋತ್ಪಲದ್ಯುತೇ ।
ಜಯ ಸಂಗೀತರಸಿಕೇ ಜಯ ಲೀಲಾಶುಕಪ್ರಿಯೇ ॥ 4॥

           ॥ ದಂಡಕಮ್ ॥

ಜಯ ಜನನಿ ಸುಧಾಸಮುದ್ರಾನ್ತರುದ್ಯನ್ಮಣೀದ್ವೀಪಸಂರೂಢ್ –
ಬಿಲ್ವಾಟವೀಮಧ್ಯಕಲ್ಪದ್ರುಮಾಕಲ್ಪಕಾದಂಬಕಾನ್ತಾರವಾಸಪ್ರಿಯೇ
ಕೃತ್ತಿವಾಸಪ್ರಿಯೇ ಸರ್ವಲೋಕಪ್ರಿಯೇ

ಸಾದರಾರಬ್ಧಸಂಗೀತಸಂಭಾವನಾಸಂಭ್ರಮಾಲೋಲ-
ನೀಪಸ್ರಗಾಬದ್ಧಚೂಲೀಸನಾಥತ್ರಿಕೇ ಸಾನುಮತ್ಪುತ್ರಿಕೇ

ಶೇಖರೀಭೂತಶೀತಾಂಶುರೇಖಾಮಯೂಖಾವಲೀಬದ್ಧ-
ಸುಸ್ನಿಗ್ಧನೀಲಾಲಕಶ್ರೇಣಿಶೃಂಗಾರಿತೇ ಲೋಕಸಂಭಾವಿತೇ
ಕಾಮಲೀಲಾಧನುಸ್ಸನ್ನಿಭಭ್ರೂಲತಾಪುಷ್ಪಸನ್ದೋಹಸನ್ದೇಹಕೃಲ್ಲೋಚನೇ
ವಾಕ್ಸುಧಾಸೇಚನೇ ಚಾರುಗೋರೋಚನಾಪಂಕಕೇಲೀಲಲಾಮಾಭಿರಾಮೇ ಸುರಾಮೇ ರಮೇ

ಪ್ರೋಲ್ಲಸದ್ಧ್ವಾಲಿಕಾಮೌಕ್ತಿಕಶ್ರೇಣಿಕಾಚನ್ದ್ರಿಕಾಮಂಡಲೋದ್ಭಾಸಿ
ಲಾವಣ್ಯಗಂಡಸ್ಥಲನ್ಯಸ್ತಕಸ್ತೂರಿಕಾಪತ್ರರೇಖಾಸಮುದ್ಭೂತಸೌರಭ್ಯ-
ಸಂಭ್ರಾನ್ತಭೃಂಗಾಂಗನಾಗೀತಸಾನ್ದ್ರೀಭವನ್ಮನ್ದ್ರತನ್ತ್ರೀಸ್ವರೇ
ಸುಸ್ವರೇ ಭಾಸ್ವರೇ

ವಲ್ಲಕೀವಾದನಪ್ರಕ್ರಿಯಾಲೋಲತಾಲೀದಲಾಬದ್ಧ-
ತಾಟಂಕಭೂಷಾವಿಶೇಷಾನ್ವಿತೇ ಸಿದ್ಧಸಮ್ಮಾನಿತೇ

ದಿವ್ಯಹಾಲಾಮದೋದ್ವೇಲಹೇಲಾಲಸಚ್ಚಕ್ಷುರಾನ್ದೋಲನಶ್ರೀಸಮಾಕ್ಷಿಪ್ತಕರ್ಣೈಕ-
ನೀಲೋತ್ಪಲೇ ಶ್ಯಾಮಲೇ ಪೂರಿತಾಶೇಷಲೋಕಾಭಿವಾಂಛಾಫಲೇ ಶ್ರೀಫಲೇ

ಸ್ವೇದಬಿನ್ದೂಲ್ಲಸದ್ಫಾಲಲಾವಣ್ಯ ನಿಷ್ಯನ್ದಸನ್ದೋಹಸನ್ದೇಹಕೃನ್ನಾಸಿಕಾಮೌಕ್ತಿಕೇ
ಸರ್ವವಿಶ್ವಾತ್ಮಿಕೇ ಸರ್ವಸಿದ್ಧ್ಯಾತ್ಮಿಕೇ ಕಾಲಿಕೇ ಮುಗ್ದ್ಧಮನ್ದಸ್ಮಿತೋದಾರವಕ್ತ್ರ-
ಸ್ಫುರತ್ ಪೂಗತಾಮ್ಬೂಲಕರ್ಪೂರಖಂಡೋತ್ಕರೇ ಜ್ಞಾನಮುದ್ರಾಕರೇ ಸರ್ವಸಮ್ಪತ್ಕರೇ
ಪದ್ಮಭಾಸ್ವತ್ಕರೇ ಶ್ರೀಕರೇ

ಕುನ್ದಪುಷ್ಪದ್ಯುತಿಸ್ನಿಗ್ಧದನ್ತಾವಲೀನಿರ್ಮಲಾಲೋಲಕಲ್ಲೋಲಸಮ್ಮೇಲನ
ಸ್ಮೇರಶೋಣಾಧರೇ ಚಾರುವೀಣಾಧರೇ ಪಕ್ವಬಿಂಬಾಧರೇ

ಸುಲಲಿತ ನವಯೌವನಾರಂಭಚನ್ದ್ರೋದಯೋದ್ವೇಲಲಾವಣ್ಯದುಗ್ಧಾರ್ಣವಾವಿರ್ಭವತ್
ಕಮ್ಬುಬಿಮ್ಬೋಕಭೃತ್ಕನ್ಥರೇ ಸತ್ಕಲಾಮನ್ದಿರೇ ಮನ್ಥರೇ

ದಿವ್ಯರತ್ನಪ್ರಭಾಬನ್ಧುರಚ್ಛನ್ನಹಾರಾದಿಭೂಷಾಸಮುದ್ಯೋತಮಾನಾನವದ್ಯಾಂಗ-
ಶೋಭೇ ಶುಭೇ

ರತ್ನಕೇಯೂರರಶ್ಮಿಚ್ಛಟಾಪಲ್ಲವಪ್ರೋಲ್ಲಸದ್ದೋಲ್ಲತಾರಾಜಿತೇ ಯೋಗಿಭಿಃ
ಪೂಜಿತೇ ವಿಶ್ವದಿಙ್ಮಂಡಲವ್ಯಾಪ್ತಮಾಣಿಕ್ಯತೇಜಸ್ಸ್ಫುರತ್ಕಂಕಣಾಲಂಕೃತೇ
ವಿಭ್ರಮಾಲಂಕೃತೇ ಸಾಧುಭಿಃ ಪೂಜಿತೇ ವಾಸರಾರಂಭವೇಲಾಸಮುಜ್ಜೃಮ್ಭ
ಮಾಣಾರವಿನ್ದಪ್ರತಿದ್ವನ್ದ್ವಿಪಾಣಿದ್ವಯೇ ಸನ್ತತೋದ್ಯದ್ದಯೇ ಅದ್ವಯೇ
ದಿವ್ಯರತ್ನೋರ್ಮಿಕಾದೀಧಿತಿಸ್ತೋಮಸನ್ಧ್ಯಾಯಮಾನಾಂಗುಲೀಪಲ್ಲವೋದ್ಯ
ನ್ನಖೇನ್ದುಪ್ರಭಾಮಂಡಲೇ ಸನ್ನುತಾಖಂಡಲೇ ಚಿತ್ಪ್ರಭಾಮಂಡಲೇ ಪ್ರೋಲ್ಲಸತ್ಕುಂಡಲೇ

ತಾರಕಾರಾಜಿನೀಕಾಶಹಾರಾವಲಿಸ್ಮೇರ ಚಾರುಸ್ತನಾಭೋಗಭಾರಾನಮನ್ಮಧ್ಯ-
ವಲ್ಲೀವಲಿಚ್ಛೇದ ವೀಚೀಸಮುದ್ಯತ್ಸಮುಲ್ಲಾಸಸನ್ದರ್ಶಿತಾಕಾರಸೌನ್ದರ್ಯರತ್ನಾಕರೇ
ವಲ್ಲಕೀಭೃತ್ಕರೇ ಕಿಂಕರಶ್ರೀಕರೇ

ಹೇಮಕುಂಭೋಪಮೋತ್ತುಂಗ ವಕ್ಷೋಜಭಾರಾವನಮ್ರೇ ತ್ರಿಲೋಕಾವನಮ್ರೇ
ಲಸದ್ವೃತ್ತಗಂಭೀರ ನಾಭೀಸರಸ್ತೀರಶೈವಾಲಶಂಕಾಕರಶ್ಯಾಮರೋಮಾವಲೀಭೂಷಣೇ
ಮಂಜುಸಂಭಾಷಣೇ

ಚಾರುಶಿಂಚತ್ಕಟೀಸೂತ್ರನಿರ್ಭತ್ಸಿತಾನಂಗಲೀಲಧನುಶ್ಶಿಂಚಿನೀಡಂಬರೇ
ದಿವ್ಯರತ್ನಾಮ್ಬರೇ

ಪದ್ಮರಾಗೋಲ್ಲಸ ನ್ಮೇಖಲಾಮೌಕ್ತಿಕಶ್ರೋಣಿಶೋಭಾಜಿತಸ್ವರ್ಣಭೂಭೃತ್ತಲೇ
ಚನ್ದ್ರಿಕಾಶೀತಲೇ ವಿಕಸಿತನವಕಿಂಶುಕಾತಾಮ್ರದಿವ್ಯಾಂಶುಕಚ್ಛನ್ನ
ಚಾರೂರುಶೋಭಾಪರಾಭೂತಸಿನ್ದೂರಶೋಣಾಯಮಾನೇನ್ದ್ರಮಾತಂಗ
ಹಸ್ಮಾರ್ಗ್ಗಲೇ ವೈಭವಾನರ್ಗ್ಗಲೇ ಶ್ಯಾಮಲೇ ಕೋಮಲಸ್ನಿಗ್ದ್ಧ
ನೀಲೋತ್ಪಲೋತ್ಪಾದಿತಾನಂಗತೂಣೀರಶಂಕಾಕರೋದಾರ
ಜಂಘಾಲತೇ ಚಾರುಲೀಲಾಗತೇ ನಮ್ರದಿಕ್ಪಾಲಸೀಮನ್ತಿನೀ
ಕುನ್ತಲಸ್ನಿಗ್ದ್ಧನೀಲಪ್ರಭಾಪುಂಚಸಂಜಾತದುರ್ವಾಂಕುರಾಶಂಕ
ಸಾರಂಗಸಂಯೋಗರಿಂಖನ್ನಖೇನ್ದೂಜ್ಜ್ವಲೇ ಪ್ರೋಜ್ಜ್ವಲೇ
ನಿರ್ಮಲೇ ಪ್ರಹ್ವ ದೇವೇಶ ಲಕ್ಷ್ಮೀಶ ಭೂತೇಶ ತೋಯೇಶ ವಾಣೀಶ ಕೀನಾಶ
ದೈತ್ಯೇಶ ಯಕ್ಷೇಶ ವಾಯ್ವಗ್ನಿಕೋಟೀರಮಾಣಿಕ್ಯ ಸಂಹೃಷ್ಟಬಾಲಾತಪೋದ್ದಾಮ–
ಲಾಕ್ಷಾರಸಾರುಣ್ಯತಾರುಣ್ಯ ಲಕ್ಷ್ಮೀಗೃಹಿತಾಂಘ್ರಿಪದ್ಮ್ಮೇ ಸುಪದ್ಮೇ ಉಮೇ

ಸುರುಚಿರನವರತ್ನಪೀಠಸ್ಥಿತೇ ಸುಸ್ಥಿತೇ
ರತ್ನಪದ್ಮಾಸನೇ ರತ್ನಸಿಮ್ಹಾಸನೇ ಶಂಖಪದ್ಮದ್ವಯೋಪಾಶ್ರಿತೇ ವಿಶ್ರುತೇ
ತತ್ರ ವಿಘ್ನೇಶದುರ್ಗಾವಟುಕ್ಷೇತ್ರಪಾಲೈರ್ಯುತೇ ಮತ್ತಮಾತಂಗ
ಕನ್ಯಾಸಮೂಹಾನ್ವಿತೇ ಭೈರವೈರಷ್ಟಭಿರ್ವೇಷ್ಟಿತೇ
ಮಂಚುಲಾಮೇನಕಾದ್ಯಂಗನಾಮಾನಿತೇ ದೇವಿ ವಾಮಾದಿಭಿಃ ಶಕ್ತಿಭಿಸ್ಸೇವಿತೇ
ಧಾತ್ರಿ ಲಕ್ಷ್ಮ್ಯಾದಿಶಕ್ತ್ಯಷ್ಟಕೈಃ ಸಂಯುತೇ ಮಾತೃಕಾಮಂಡಲೈರ್ಮಂಡಿತೇ
ಯಕ್ಷಗನ್ಧರ್ವಸಿದ್ಧಾಂಗನಾ ಮಂಡಲೈರರ್ಚಿತೇ

ಭೈರವೀ ಸಂವೃತೇ ಪಂಚಬಾಣಾತ್ಮಿಕೇ ಪಂಚಬಾಣೇನ ರತ್ಯಾ ಚ
ಸಂಭಾವಿತೇ ಪ್ರೀತಿಭಾಜಾ ವಸನ್ತೇನ ಚಾನನ್ದಿತೇ ಭಕ್ತಿಭಾಜಂ ಪರಂ ಶ್ರೇಯಸೇ
ಕಲ್ಪಸೇ ಯೋಗಿನಾಂ ಮಾನಸೇ ದ್ಯೋತಸೇ ಛನ್ದಸಾಮೋಜಸಾ ಭ್ರಾಜಸೇ ಗೀತವಿದ್ಯಾ
ವಿನೋದಾತಿ ತೃಷ್ಣೇನ ಕೃಷ್ಣೇನ ಸಮ್ಪೂಜ್ಯಸೇ ಭಕ್ತಿಮಚ್ಚೇತಸಾ ವೇಧಸಾ
ಸ್ತೂಯಸೇ ವಿಶ್ವಹೃದ್ಯೇನ ವಾದ್ಯೇನ ವಿದ್ಯಾಧರೈರ್ಗೀಯಸೇ

ಶ್ರವಣಹರದಕ್ಷಿಣಕ್ವಾಣಯಾ ವೀಣಯಾ ಕಿನ್ನರೈರ್ಗೀಯಸೇ
ಯಕ್ಷಗನ್ಧರ್ವಸಿದ್ಧಾಂಗನಾ ಮಂಡಲೈರರ್ಚ್ಯಸೇ

ಸರ್ವಸೌಭಾಗ್ಯವಾಂಛಾವತೀಭಿರ್ ವಧೂಭಿಸ್ಸುರಾಣಾಂ ಸಮಾರಾಧ್ಯಸೇ
ಸರ್ವವಿದ್ಯಾವಿಶೇಷತ್ಮಕಂ ಚಾಟುಗಾಥಾ ಸಮುಚ್ಚಾರಣಾಕಂಠಮೂಲೋಲ್ಲಸದ್-
ವರ್ಣರಾಜಿತ್ರಯಂ ಕೋಮಲಶ್ಯಾಮಲೋದಾರಪಕ್ಷದ್ವಯಂ ತುಂಡಶೋಭಾತಿದೂರೀಭವತ್
ಕಿಂಶುಕಂ ತಂ ಶುಕಂ ಲಾಲಯನ್ತೀ ಪರಿಕ್ರೀಡಸೇ

ಪಾಣಿಪದ್ಮದ್ವಯೇನಾಕ್ಷಮಾಲಾಮಪಿ ಸ್ಫಾಟಿಕೀಂ ಜ್ಞಾನಸಾರಾತ್ಮಕಂ   ಮಾಲಾಗುಣ
ಪುಸ್ತಕಂಚಂಕುಶಂ ಪಾಶಮಾಬಿಭ್ರತೀ ತೇನ ಸಂಚಿನ್ತ್ಯಸೇ ತಸ್ಯ
ವಕ್ತ್ರಾನ್ತರಾತ್ ಗದ್ಯಪದ್ಯಾತ್ಮಿಕಾ ಭಾರತೀ ನಿಸ್ಸರೇತ್ ಯೇನ ವಾಧ್ವಂಸನಾದಾ
ಕೃತಿರ್ಭಾವ್ಯಸೇ ತಸ್ಯ ವಶ್ಯಾ ಭವನ್ತಿಸ್ತಿಯಃ ಪೂರುಷಾಃ ಯೇನ ವಾ
ಶಾತಕಂಬದ್ಯುತಿರ್ಭಾವ್ಯಸೇ ಸೋಪಿ ಲಕ್ಷ್ಮೀಸಹಸ್ರೈಃ ಪರಿಕ್ರೀಡತೇ

ಕಿನ್ನ ಸಿದ್ಧ್ಯೇದ್ವಪುಃ ಶ್ಯಾಮಲಂ ಕೋಮಲಂ ಚನ್ದ್ರಚೂಡಾನ್ವಿತಂ
ತಾವಕಂ ಧ್ಯಾಯತಃ ತಸ್ಯ ಲೀಲಾ ಸರೋವಾರಿಧೀಃ ತಸ್ಯ ಕೇಲೀವನಂ
ನನ್ದನಂ ತಸ್ಯ ಭದ್ರಾಸನಂ ಭೂತಲಂ ತಸ್ಯ ಗೀರ್ದೇವತಾ ಕಿಂಕರಿ
ತಸ್ಯ ಚಾಜ್ಞಾಕರೀ ಶ್ರೀ ಸ್ವಯಂ

ಸರ್ವತೀರ್ಥಾತ್ಮಿಕೇ ಸರ್ವ ಮನ್ತ್ರಾತ್ಮಿಕೇ
ಸರ್ವ ಯನ್ತ್ರಾತ್ಮಿಕೇ ಸರ್ವ ತನ್ತ್ರಾತ್ಮಿಕೇ
ಸರ್ವ ಚಕ್ರಾತ್ಮಿಕೇ ಸರ್ವ ಶಕ್ತ್ಯಾತ್ಮಿಕೇ
ಸರ್ವ ಪೀಠಾತ್ಮಿಕೇ ಸರ್ವ ವೇದಾತ್ಮಿಕೇ
ಸರ್ವ ವಿದ್ಯಾತ್ಮಿಕೇ ಸರ್ವ ಯೋಗಾತ್ಮಿಕೇ
ಸರ್ವ ವರ್ಣಾತ್ಮಿಕೇ ಸರ್ವಗೀತಾತ್ಮಿಕೇ
ಸರ್ವ ನಾದಾತ್ಮಿಕೇ ಸರ್ವ ಶಬ್ದಾತ್ಮಿಕೇ
ಸರ್ವ ವಿಶ್ವಾತ್ಮಿಕೇ ಸರ್ವ ವರ್ಗಾತ್ಮಿಕೇ
ಸರ್ವ ಸರ್ವಾತ್ಮಿಕೇ ಸರ್ವಗೇ ಸರ್ವ ರೂಪೇ
ಜಗನ್ಮಾತೃಕೇ ಪಾಹಿ ಮಾಂ ಪಾಹಿ ಮಾಂ ಪಾಹಿ ಮಾಂ
ದೇವಿ ತುಭ್ಯಂ ನಮೋ ದೇವಿ ತುಭ್ಯಂ ನಮೋ ದೇವಿ ತುಭ್ಯಂ ನಮೋ
ದೇವಿ ತುಭ್ಯಂ ನಮಃ

॥ ಇತಿ ಶ್ಯಾಮಲಾ ದಂಡಕಮ್ ಸಮ್ಪೂರ್ಣಮ್ ॥

Lyrics in English

Manikya Veenam Upalalayanthim Madhalasam Manjula Vag Vilasam |
Mahendra Niladhyuthi Komalangim Mathanga Kanya Manasa Smaramim ||
Chathurbhujey Chandra Kalavathamsey Kuchonnathey Kumkuma Raga Shoney |
Pundreskhu Pasam Angusha Pushpa Bana Hasthey Namasthey Jagaika Matha: ||

Matha Marakatha Shyama Mathangi Madha Shalini |
Kuryath Kataksham Kalyani Kadamba Vana Vasini ||
Jaya Mathanga Thanaye  Jaya Neelothpala Dhyuthey |
Jaya Sangeetha Rasikey Jaya Leela Shuka Priye ||

|| Dandakam ||

Jaya Janani Sudha Samudrantharudhyan Manidhwipa Samrooda-
Bilwadavi Madhya Kalpadhruma Kalpa Kadamba Kanthara Vasapriye
Krithivasa Priye Sarvaloka Priye
Sadhararabdha Sangeetha Sambhavana Sambhramalola –
Neepasraga Baddha Chulisanathathrikey Sanumathputhrikey

Shekhari Bhootha Sheethamshu Rekha Mayukhavali Baddha-
Susnigdha Neelalakashreni Shrungarithey Lokasambhavithey
Kamaleela Dhanusannibhabhrulatha Pushpa Sandhoha Sandheha Krillochaney
Vak Sudhasechaney Charu Gorochana Pangey Lilalamabhiramey Suramey Ramey

Prollasadhvalika Mouthika Shrenika Chandrika Mandalodhasi
Lavanya Gandasthalanyastha Kasthurika Pathra Rekha Samudhbhutha Saurabhya
Sambhrantha Bhrungangana Gita Sandhribhavanmadhra Thanthri Swarey Susvarey Bhasvarey

Vallaki Vadhana Priyalola Thalidhalabaddha –
Thadanga Bhoosha Visheshanvithey Siddha Sammanithey

Divya Halabha Dhodhveyla Heylalasa Chakshurandholana Sri Samakshiptha Karnaika –
Neelothpaley Shyamaley Purithashesha Lokabhivancha Phaley Sriphaley

Swetha Bindu Lasathphala Lavanya Nishyandha Sandhoha  Sandheha Krunnasika Mauthikey
Sarva Vishwathmikey Sarva Siddhyathmikey  Kalikey Mugdha Mandhasmithodhara Vakthra-
Spurath Puga Thamboola Karpoora Khandothkarey Gnana Mudrakarey Sarva Sampathkarey
Padmabhasvathkarey Shrikarey

Kundha Pushpadhyuthi Snigdha Dhanthavali Nirmalalola Kallola Sammelaney
Smera Shonadharey Charu Veenadharey Pakva Bimbhadharey

Sulalitha Nava Youvanarambha Chandrodhayodhvela Lavanya Dugdharnnavavirbhavath
Kumbha Bimbhogabhruthkantharey Sath Kalamandirey Mandharey

Divya Rathnaprabha Bandhuracchanna Haradhi Bhusha Samudhyodhamanavadhyanga Shobhey Shubey

Rathna Keyura Rashmicchada Pallava Prollasadhollatha Rajithey
Yogibhi: Poojithey Vishwa Digmandala Vyaptha Manikya Thejuspurath Kankana Alankruthey
Vibhramalankruthey Sadhubhi: Pujithey Vasararambha Velasamujrumbha
Manaravindha Prathidhvandhva Panidhvaye Santhathodhyadhaye Adhvaye
Divya Rathnormikadhidhisthoma Sandhyayamananguli Pallavodhya
Nakhendhu Prabha Mandaley Sannutha Khandaley Chith Prabha Mandaley Prollasath Kundaley

Tharaka Rajinikashahara Valismera Charusthana Bhoga Bharana Manmadhya –
Valli Valicchedha Vichi Samudhyath Samullasa Sandharshithakara Soundarya Rathnakarey
Vallakimuthkarey Kingara Srikarey

Hema Kumbhopa  Uthunga Vakshoja Bharavanamrey Trilokavanamrey Lasathvrutha Gambhira
Nabhisarasthira Shaivala Shankakara Shyamaromavali Bhushaney Manjusambhashaney

Charu Shinjath Kadisuthra Nirbharsinthanga Leela Dhanuschinchanidambarey Divya Rathnabharey

Padmaragollasann Meghala Moukthika Shreyni Shobhajitha Swarnabhu Bhruthaley
Chandrika Sheethaley Vikasitha Nava Kimshuka Thamra Divyamshukshacchanna
Charooru Shobha Parabhutha Sindoora Shonayamanendra Mathanga
Hasmargagale Vaibhavanargaley Shyamaley Komalasnigddha
Neelothpalopadhithananga Thuneera Sankhakarodhara
Jamghalathey Charuleelangathey Namra Dikpala Seemanthini
Kunthalasnigdha Nilaprabha Punjasanjatha Dhurvankurasangha
Saranga Samyogarimkhannakhendhujvaley Projjvaley Nirmaley
Nirmaley Prahu Devesa Lakshmisha Bhuthesha Thoyesha Vanisha KinashaDhaitheysha Yakshesha Vayvagnikotira Manikya Samhrushta Balatapoddhama-
Slaksharasaruna Tharunya Lakshmigruhithangri Padmey Supadmey Umey

Rathna Padmasaney Rathna Simhasaney Shankha Padmadhwayopashrithey Vishruthey
Thathra Vignesa Durga Vatukshetra Palairyuthey Mattha Mathanga
Kanya Samuhanvithey Bhairavairashtamibhirveshithey
Manjula Menakadhyangana Manithey Devi Vamadhibi: Shakthibhisevithey
Dhathri Lakshmyadhi Shakthaishtakai: Samyuthey Mathruka Mandalai Mandithey
Yaksha Gandharva Siddhangana Mandalairarchithey

Bhairavi Samvruthey Pancha Banathmikey Pancha Banena Rathya Cha
Sambhavithey Preethibhaja Vasanthena Chanandhithey Bakthi Bajam Param Shreyasey
Kalpasey Yoginam Manasey Dhvyothasey Cchandhasambhojasey Bhrajasey Gitavidhya
Vinodhathi Thrushnena Krishnena Sampujyasey Bhakthimacchedhasa Vedhasa
Sthuyasey Vishwahrudhyena Vadhyena Vidhyadharaigiryasey

Shravana Haradhakshinakvanaya Veenaya Kinnarairgeeyasey
Yaksha Gandharva Siddhangana Manalairarchyasey

Sarva Soubhagya Vacchavathibhira Vadhubhissuranam Samaradhyasey
Sarva Vidhya Visheshathmakam Charugatha Samuccharana Kandamullollasadh-
Varna Rajithrayam Komala Shyamalodhara Pakshadhvayam Tunga Shobhadhidhuribhavath
Kimshukam Tham Shukam Lalayanthi Parikreedasey

Pani Padmadhvayenakshamalamapi Spadakam Gnana Sarathmakam
Pusthakanchankusam Pasamabhibhrathi Thena Sanchinthyasey Thasya Vakrantharath
Gadhya Padhyathmika Bharathi Nissareth Yena Vadhvamsanadha
Krithibharvyasey Thasya Vashya Bhavanthisthiya: Purusha: Yena Va
Shathakambadhyuthir Bhavyasey Sopi Lakshmisahashrai: Parikitathey

Kinna Sidhyedhvapu: Shyamalam Komalam Chandra Choodanvitham
Thavakam Dhyayatha: Thasya Leela Sarovaridhi: Thasya Kelivanam
Nandanam Thasya Bhadrasanam Bhoothalam Thasya Ghirdevatha Kinkari
Thasya Chanjakari Shri Swayam

Sarva Theerthathmikey Sarva Manthrathmikey
Sarva Yanthrathmikey  Sarva Thanthrathmikey
Sarva Chakrathmikey  Sarva Shakthyathmikey
Sarva Peedathmikey  Sarva Vedathmikey
Sarva Vidhyathmikey Sarva Yogathmikey
Sarva Varnathmikey Sarva Githathmikey
Sarva Nadhathmikey Sarva Shabdhathmikey
Sarva Vishwathmikey Sarva VargathmikeySarva Sarvathmikey Sarvagey Sarva Roopey
Jaganmathrukey Pahimam ! Pahimam  ! Pahimam !

Devi Thubhyam Namo ! Devi Thubhyam Namo ! Devi Thubhyam Nama: ||