ಏಕೆ ಚಿಂತಿಸುತಿರುವೆ ಕೋತಿಮನವೆ |
ಶ್ರೀ ಕೃಷ್ಣರಾಯನನು ಸ್ತುತಿಸಲೊಲ್ಲದಲೆ ||ಪ||

ಹುಟ್ಟಿದಾಗುತ್ಪತ್ತಿಗಾರು ಚಿಂತಿಸಿದವರು |
ಕಟ್ಟಕಡೆಯಲಿ ಲಯಕೆ ಏನು ಚಿಂತೆ ||
ನಟ್ಟನಡುವಿನ ಬದುಕಿಗೇಕೆ ಚಿಂತಿಸುತಿರುವೆ |
ಕಟ್ಟಕಡೆಯಲಿ ಮೂರು ಬಟ್ಟೆ ತಾನಲ್ಲವೆ ||೧||

ನವಿಲಿಂಗೆ ಚಿತ್ರಪತ್ರವನಾರು ಬರೆದವರು |
ಪವಳಜಾತಿಗೆ ಕೆಂಪನಾರಿತ್ತರು ||
ಸವಿಮಾತಿನರಗಿಳಿಗೆ ಹಸಿರಾರು ಬರೆದವರು |
ಇವ ಮಾಡಿದವ ಕೃಷ್ಣ ನಮ್ಮ ಮರೆದಿಹನೆ ||೨||

ಬಸಿರೊಳಗೆ ಇದ್ದಾಗ ಶಿಶುವ ಹೊರೆದವರಾರು |
ವಸುಧೆಯನು ಬಸಿರೊಳಗೆ ಹೆತ್ತರಾರು ||
ವಸುದೇವಸುತ ನಮ್ಮ ಪುರಂದರವಿಠಲನ |
ಪೆಸರ ಬಸಿರೊಳಗಿಟ್ಟು ಸ್ತುತಿಸುತಿರು ಮನವೆ ||೩||

ಕೃತಿಕಾರರು : ಶ್ರೀ ಪುರಂದದಾಸರು

Lyrics in English

Eke Chintisutiruve Kotimanave

Eke chintisutiruve kotimanave |
Shri Krishnarayananu stutisalolladale ||

Huttidagutpattigaru chintisidavaru |
Kattakadeyali layake enu chinte ||
Nattanaduvina badukigeke chintisutiruve |
Kattakadeyali muru batte tanallave ||

Navilinge chitrapatravanaru baredavaru |
Pavalajatige kempanarittaru ||
Savimatinaragilige hasiraru baredavaru |
Iva madidava Krishna namma maredihane ||

Basirolage iddaga shishuva horedavararu |
Vasudheyanu basirolage hettararu ||
Vasudevasuta namma Purandaravithalana |
Pesara basirolagittu stutisutiru manave ||