ಕೃತಿಕಾರರು : ಶ್ರೀ ಕನಕದಾಸರು
ದೇಶಾಧಿಪತಿ ನರಹರಿಯೆ ನಿನ್ನಯ ಪಾದ |
ದಾಸರ ದಾಸನೆಂದೆನಿಸಬೇಕೆನ್ನ ||ಪ||
ರಜತಮೋಗುಣ ಪ್ರವರ್ತಕ ಮೂಲಾಂತರದಿಂ |
ಯಜಮಾನತನದಹಂಕಾರವನು ಒಲ್ಲೆ ||
ಭುಜ ಚಕ್ರ ಧರಿಸಿ ಸಾತ್ತ್ವಿಕರ ಪಾದಾಂಬುಜ |
ರಜ ಭಜಕರ ಭಜಕನೆಂದೆನಿಸೆನ್ನ ||೧||
ಸಿರಿಗಂಧ ಕುಂಕುಮ ಸಾದು ಜವ್ವಾಜಿ ಕ |
ತ್ತುರಿ ತಿಲಕವನಿಡುವುದ ನಾನೊಲ್ಲೆ ||
ಸಿರಿ ಊರ್ಧ್ವಪುಂಡ್ರ ದ್ವಾದಶನಾಮವಿಡುವವರ |
ಪರಿಚಾರಕರ ಪರಿಚಾರಕನೆನಿಸೆನ್ನ ||೨||
ಸ್ವಾದು ಕಲ್ಪಿತವಾದ ಭಕ್ಷ್ಯ ಭೋಜ್ಯಗಳನು |
ಆದರದ ಅಮೃತಾನ್ನ ಉಣುವುದನೊಲ್ಲೆ |
ಬೋಧೆಯನು ಹೇಳುವ ಕೇಳುವ ಹರಿದಾಸರ |
ಪಾದತೀರ್ಥ ಪ್ರಸಾದವನುಣಿಸೆನ್ನ ||೩||
ಕಾಲ ಕರ್ಮದೊಳುಪೇಕ್ಷೆಯ ಮಾಡಿ ಹರಿಭಕುತಿ |
ಶೀಲರಹಿತ ಬ್ರಾಹ್ಮಣನಾಗಲೊಲ್ಲೆ ||
ಕೀಲನರಿತು ಹರಿಭಕುತಿಯನು ಮಾಳ್ಪ ಪರಮ ಚಾಂ |
ಡಾಲನ ಮನೆ ಬಾಗಿಲ ಕಾಯಿಸೆನ್ನ ||೪||
ಕ್ರೂರಶಾಸ್ತ್ರವನೋದಿ ಕುರಿ ಕೋಣವನೆ ಕಡಿದು |
ಘೋರ ನರಕದಿ ಬೀಳುವುದನು ನಾನೊಲ್ಲೆ ||
ವಾರಿಜಾಕ್ಷ ನಿನ್ನ ಚರಣ ಸೇವಕರ ಮನೆಯ |
ದ್ವಾರಪಾಲಕನೆಂದೆನಿಸೆನ್ನ ||೫||
ಪಟ್ಟೆಪಟ್ಟಾವಳಿ ದಿವ್ಯ ದುಕೂಲ ಮಿಂ |
ಚಿಟ್ಟ ವಸ್ತ್ರ ಉಡುವುದನೊಲ್ಲೆ ||
ನೆಟ್ಟನೆ ಕಾವಿ ಕಾಷಾಯಾಂಬರಗಳನು |
ಉಟ್ಟವರ ಬಂಟನೆಂದೆನಿಸೆನ್ನ ||೬||
ಅರ್ಥ ವಿಷಯಂಗಳ ಫಲಾಪೇಕ್ಷೆಯಿಂ ಪುಣ್ಯ |
ತೀರ್ಥಯಾತ್ರೆಯ ಮಾಡಲೊಲ್ಲೆ ||
ದೈತ್ಯಮರ್ದನ ಬಾಡದಾದಿಕೇಶವ ನಿನ್ನ |
ಕೀರ್ತನಗೈವರ ಸ್ತುತಿಕನೆನಿಸೆನ್ನ ||೭||
Lyrics in English
Deshadhipati Narahariye ninnaya pada |
Dasara dasanendenisabenna ||
Rajatamoguna pravartaka mulantaradim |
Yajamanatanadahankaravanu olle ||
Bhuja chakra dharisi sattvikara padambuja |
Raja bhajakara bhajakanendenisenna ||
Sirigandha kumkuma sadu javvaji ka |
Tthuri tilakavaniduvada nanolle ||
Siri urdhvapundra dvadashanamaviduvara |
Paricharakara paricharakanenisenna ||
Svadu kalpitavada bhakshya bhojyagalanu |
Adarada amritanna unuvudanolle |
Bodheyanu heluva keluva haridasara |
Padatirtha prasadavanunisenna ||
Kala karmadolupeksheya madi haribhakuti |
Shilarahita brahmananagalolle ||
Kilanaritu haribhakutiyanu malpa parama chan |
Dalana mane bagila kayisenna ||
Krurashastravanodi kuri konavane kadidu |
Ghora narakadi biluvudanu nanolle ||
Varijaksha ninna charana sevakara maneya |
Dvarapalakanendenisenna ||
Pattepattavali divya dukula mim |
Chitta vastra uduvudanolle ||
Nettane kavi kashayambaragalanu |
Uttavara bantanendenisenna ||
Artha vishayangala phalapeksheyim punya |
Tirthayatreya madalolle ||
Daityamardana Baadada Adikeshava ninna |
Kirtanagaivara stutikanenisenna ||