ಅಂಕಿತ : ಹಯವದನ

ಹಣವೆ ನಿನ್ನಯ ಗುಣವೇನು ಬಣ್ಣಿಪೆನೊ  ||ಪ||

ಹಣವಿಲ್ಲದವನೊಬ್ಬ ಹೆಣವೆ ಸರಿ ಕಂಡ್ಯ ||ಅಪ||

ಬೆಲೆಯಾಗದವನೆಲ್ಲ ಬೆಲೆಯ ಮಾಡಿಸುವಿ
ಎಲ್ಲ ವಸ್ತುಗಳನಿದ್ದಲ್ಲೆ ತರಿಸುವಿ
ಕುಲಗೆಟ್ಟವರ ಸತ್ಕುಲಕೆ ಸೇರಿಸುವಿ
ಹೊಲೆಯನಾದರೂ ತಂದೊಳಗಿರಿಸುವಿ   ||೧||

ಅಂಗನೆಯರ ಸಂಗ ಅತಿಶಯದಿ ಮಾಡಿಸುವಿ
ಶೃಂಗಾರಾಭರಣಂಗಳ ಬೇಗ ತರಿಸುವಿ
ಮಂಗನಾದರೂ ಅನಂಗನೆಂದೆನಿಸುವಿ
ಕಂಗಳಿಲ್ಲದವಗೆ ಮಗಳ ಕೊಡಿಸುವಿ ||೨||

ಚರಣಕ್ಕೆ ಬಂದಂಥ ದುರಿತವನು ಬಿಡಿಸುವಿ
ಸರುವರಿಗೆ ಶ್ರೇಷ್ಠನರನ ಮಾಡಿಸುವಿ
ಅರಿಯದ ಶುಂಠನ ಅರಿತವನೆನಿಸುವಿ
ಸಿರಿಹಯವದನನ ಸ್ಮರಣೆ ಮರೆಸುವಿ ||೩||

Lyrics in English

Hanave ninnaya gunavenu bannipeno || pa ||

Hanavilladavanobba henave sari kandya || a.pa ||

Beleyagadavanella beleya madisuvi
Ella vastugalaniddalle tarisuvi
kulagettavara satkulake serisuvi
holeyanadaru tandolagirisuvi || 1 ||

Anganeyara sanga atishayada madisuvi
shrungarabharanamgala bega tarisuvi
manganadaru ananganendenisuvi
kangalilladavage magala kodisuvi || 2 ||

Charanakke bandantha duritavanu bidisuvi
saruvarige shreshta narana madisuvi
ariyada shuntana aritavanenisuvi
sirihayavadanana smarane maresuvi || 3 ||