ದಾಸರಾಯ ಪುರಂದರ ದಾಸರಾಯ ||ಪ||

ದಾಸರಾಯ ಪ್ರತಿವಾಸರದಲಿ ಶ್ರೀನಿ
ವಾಸನ್ನ ತೋರೋ ದಯಾಸಾಂದ್ರ ||ಅ.ಪ||

ವರದನಾಮಕ ಭೂಸುರನ ಮಡದಿ ಬ
ಸಿರಲಿ ಜನಿಸಿ ಬಂದು ಮೆರೆದೆ ಧರಣಿಯೊಳು ||೧||

ಕುಲಿಶಧರಾಹ್ವಯ ಪೊಳಲೊಳು ಮಡದಿ ಮ
ಕ್ಕಳ ಕೂಡಿ ಸುಖದಿ ಕೆಲ ಕಾಲದಲಿದ್ಯೊ ||೨||

ವ್ಯಾಸರಾಯರಲಿ ಭಾಸುರ ಮಂತ್ರೋ ಪ
ದೇಶವ ಕೊಂಡು ರಮೇಶನ ಒಲಿಸಿದ್ಯೊ ||೩||

ಮನೆ ಧನ ಧಾನ್ಯ ವಾಹನ ವಸ್ತುಗಳನೆಲ್ಲ
ತೃಣಕೆ ಬಗೆದು ಕೃಷ್ಣಾರ್ಪಣವೆಂದೆ ಬುಧರಿಗೆ ||೪||

ಪ್ರಾಕೃತ ಭಾಷೆಯೊಳ್ ನೀ ಕೃತಿ ಪೇಳಿ ಆ
ಪ್ರಾಕೃತ ಹರಿಯಿಂದ ಸ್ವೀಕೃತ ನೀನಾದ್ಯೊ ||೫||

ತೀರ್ಥಕ್ಷೇತ್ರಗಳ ಮೂರ್ತಿ ಮಹಿಮೆಗಳ
ಕೀರ್ತಿಸಿ ಜಗದಿ ಕೃತಾರ್ಥನೆಂದೆನಿಸಿದೆ||೬||

ಪಾತಕ ವನಧಿ ಪೋತನೆನಿಪ ಜಗ
ನ್ನಾಥ ವಿಠ್ಠಲನ ಸುಪ್ರೀತಿಯಿಂದೊಲಿಸಿದೆ ||೭||

Lyrics in English

Dasaraaya purandara dasaraaya ||pa||
Dasaraya prativasaradali srini
Vasanna toro dayasandra ||a.pa||

Varadanamaka busurana madadi ba
Sirali janisi bandu merede dharaniyolu ||1||

Kulisadharahvaya polalolu madadi ma
Kkala kudi sukadi kela kaladalidyo ||2||

Vyasarayarali basura mantro pa
Desava kondu ramesana olisidyo ||3||

Mane dhana dhanya vahana vastugalanella
Trunake bagedu krushnarpanavende budharige ||4||

Prakruta basheyol ni kruti peli A
Prakruta hariyimda svikruta ninadyo ||5||

Tirthakshetragala murti mahimegala
Kirtisi jagadi krutarthanendeniside||6||

Pataka vanadhi potanenipa jagannatha
viththalana supritiyindoliside ||7||