ಕರುಣದಿ ಕಾಯಬೇಕಿನ್ನು ಪ್ರಾಣೇಶ
ಅರಿಯೆನೊ ಅನ್ಯರ ಜಗದ್ವಾಸ ||ಪ||

ಪರಿಪರಿ ಬವಣೆಯ ಪರಿಹಾರಗೈಸುತ
ತ್ವರಿತದಿ ಸಲಹೊ ಭಾರತಿಗೀಶ ||ಅ.ಪ.||

ಅನ್ನವಸನಗಳಿಗೆ ಅಲ್ಪರ ತೆರದೊಳು
ಬನ್ನಬಡುತಲಿರಲು
ನಿನ್ನ ಪಾದವ ನಂಬಿ ನೀ ಗತಿ ಎನುತಿರೆ
ಮನ್ನಿಸಿದ ಮಹಿಮ ನಿಸ್ಸೀಮ ||1||

ಮನದಿ ಬಹುನೊಂದು ನಿನ್ನ ಘನತೇನೆಂದು
ಅನುದಿನ ಕಾಯೊ ಎಂದು
ಎನುತಿರೆ ಸ್ವಪ್ನದಿ ಹನುಮ ನಿನ್ನಭಯ ಹಸ್ತ
ವನೆ ಶಿರದಿ ಇಟ್ಟೆ ಶ್ರೇಷ್ಠನೆ ||2||

ಉಭಯ ಹಸ್ತವು ಎನ್ನ ಶಿರದ ಮ್ಯಾಲಿಡುತಲಿ
ಅಭಯ ಕೊಡುತಲಿರಲು
ನಿರ್ಭಯದಿಂದ ನಾ ನಿನ್ನ ಭಜಿಪೆನಯ್ಯ
ಶುಭಗುಣನಿಲಯ ಜೀಯಾ ||3||

ಹನುಮ ಭೀಮಾನಂದ ಮುನಿಯಾಗಿ
ಜಗದಲಿ ಹನನಗೈಯುತ ದನುಜರ
ವನಜಾಕ್ಷ ಹರಿಯನು ಘನವಾಗಿ ಸೇವಿಸಿ
ಅನುದಿನದಲಿ ಕಾಯ್ವೆ ಸುಜನರ ||4||

ಶ್ವಾಸಜಪವ ಮಾಡಿ ರಾಶಿ ಜೀವರ ಕಾಯ್ವೆ
ಶ್ವಾಸ ನಿಯಾಮಕನೆ
ಶ್ರೀಶ ಶ್ರೀ ಗೋಪಾಲಕೃಷ್ಣವಿಠ್ಠಲನಿಗೆ
ಕೂಸು ಎಂದೆನಿಸಿರುವೆ ನೀ ಕಾವೆ ||5||

Lyrics in English

Karunadi kayabekinnu pranesha
ariyano anyara jagadwasa || pa ||

Paripari bavaneya pariharagaisuta |
twaritadi salaho bharatigesha || a.pa ||

Annavasanagalige alpara teradolu
bannabadutaliralu
Ninna padava nambi nee gati enutire
mannisida Mahima nissima || 1 ||

Manadi bahunondu Ninna ghanatenendu
anudina kayo endu
entire swaantadi januma ninnabhaya hastavane
shigradi itte shreshtana || 2 ||

Ubhaya hastavu Enna shirada myalidutali
abhaya kodutaliralu
nirbhayadinda naa Ninna bhajipenayya
shubhguna nilayana jeeya || 3 ||

Hanuma bhimananda muniyagi
jagadali hananagaiyuta danujara
vanajaksha hariyanu ghanavagi sevisi
anudinadali kayve sujanara || 4 ||

Shwasajapava Madi rashi jeevara kayve
shwasa niyamakane
shreesha Shree gopalakrishna vittalanige
koosu endenisiruve nee kaave || 5 ||