ದಯಮಾಡೆ ದಯಮಾಡೆ ತಾಯೆ ವಾಗ್ದೇವಿ ||ಪ||

ದಯದಿಂದ ನೀನೆನ್ನ ನೋಡೆ ವಾಗ್ದೇವಿ ||ಅ.ಪ||

ಹಿತದಿ ಸನ್ಮತಿಯ ಶ್ರೀಮತಿದೇವಿ ನೀಡೆ
ವ್ರತತಿಜನೇತ್ರೆ ಭಾರತಿ ನೀ ದಯಮಾಡೆ ||೧|

ಸುಮುಖೀ ತ್ವಚ್ಚರಣಾಬ್ಜದ್ರುಮಛಾಯಶ್ರಿತರ
ಸುಮತಿಗಳೊಳಗಿಟ್ಟು ಮಮತೆಯಿಂ ಸಲಹೆ||೨||

ಜಗನ್ನಾಥವಿಠಲನಂಘ್ರಿಗಳ ಸೇವೆಯೊಳು ಸು
ಗುಣೆ ಸನ್ಮತಿಕೊಟ್ಟು ಬೇಗನೆ ಸಲಹೆ||೩||

Lyrics in English

Dayamaade dayamaade taaye vaakdevi |
dayadinda niyennaa node vaakdevi ||

Hitadi sanmatiya shrimatidevi neede
vratadija netre bharati nee daya maade devi||1||

Sumukeetva sharanabja druma chaya shreekara |
Sumatigala olagittu mamateyin salahe ||2||

Jagannaathavitthalana anghrigala seveyolu
Sugune sanmati kottu begane salahe ||3||

ಎಲೆ ಮನ ಮುರಾರಿಯನೆ ಕೊಂಡಾಡು   ।।ಪ।।
ಸಾಧನಕಿದು ಉಪಾಯ ನೋಡು ।।ಅ.ಪ।।

ಕಾಲನ ದೂತರ ಕಾಲಿಗೆ ಬಿದ್ದರೆ
ನಾಳೆಗೆ ನಿಲುವರೆ ನೋಡು    ।।೧।।

ಮಂದಿಯ ಮಾತಿಗೆ ಎಂದೆಂದು ಮರುಗದೆ
ಮುಂದಿನ ಗತಿ ನೀ ನೋಡು   ।।೨।।

ರಾಜೀವಮುಖಿಯರ ಸೋಜಿಗ ಮೆಚ್ಚದೆ
ವಿಜಯವಿಠಲನ ಪಾಡು         ।।೩।।

Lyrics in English

Ele mana murariyane kondadu ||pa||
Sadhanakidu upaya nodu ||a.pa||

Kaalana dutara kalige biddare
Nalege niluvare nodu ||1||

Mandiya maatige endendu marugade
Mundina gati ni nodu ||2||

Rajivamukiyara sojiga mecchade
Vijayavithalana padu ||3||

ಏಳಯ್ಯ ಶ್ರೀಹರಿ ಬೆಳಗಾಯಿತು ||

ಏಳು ದೇವಕಿತನಯ ನಂದನಕಂದ ಏಳು ಗೋವರ್ಧನ ಗೋವಳರಾಯ ||
ಏಳು ಮಂದರಧರ ಗೋವಿಂದ ಫಣಿಶಾಯಿ ಏಳಯ್ಯ ನಲಿದು ಉಪ್ಪವಡಿಸಯ್ಯ ||

ಕ್ಷಿರಸಾಗರವಾಸ ಬೆಳಗಾಯಿತು ಏಳು ಮೂರುಲೋಕದರಸು ಒಡೆಯ ಲಕ್ಷ್ಮೀಪತಿ ||
ವಾರಿಜನಾಭನೆ ದೇವ ದೇವೇಶನೆ ಈರೇಳು ಲೋಕಕಾಧಾರ ಶ್ರೀ ಹರಿಯೇ ||

ಸುರರು ದೇವತೆಗಳು ಅವಧಾನ ಎನುತಿರೆಸುರ ವನಿತೆಯರೆಲ್ಲ ಆರತಿ ಪಿಡಿದರೆ ||
ನೆರೆದು ಊರ್ವಶಿ ಭರದಿ ನಾಟ್ಯವಾಡಲು ಕರುಣಿಸೊ ಪುರಂದರವಿಠಲ ನೀನೇಳೋ ||

Lyrics in English

Elayya shrihari belagayitu ||

Elu devaki tanaya nandana kanda elu govardhana govalaraya
Elu mandaradhara govinda phanishayi elayya nalidu uppavadisayya ||1||

Kshirasagaravasa belagayitu elu muru lokadarasu odeya lakshmipati
Varijanabhane deva deveshane irelu lokakaadhara shrihariye ||2||

Suraru devategalu avadhana enutire suravaniteyarella arati pididire
Neredu urvashi bharadi natyavadalu karuniso purandara vittala ninelo ||3||

ಡೊಂಕು ಬಾಲದ ನಾಯಕರೆ ನೀವೇನೂಟವ ಮಾಡಿದಿರಿ              ।।ಪ।।

ಕಣಕ ಕುಟ್ಟೋ ಅಲ್ಲಿಗೆ ಹೋಗಿ
ಹಣಿಕಿ ಇಣಿಕಿ ನೋಡುವಿರಿ
ಕಣಕ ಕುಟ್ಟೋ ಒನಕೆಲಿ ಬಡಿದರೆ
ಕುಂಯಿ ಕುಂಯಿ ರಾಗವ ಹಾಡುವಿರಿ                     ।।೧।।

ಹುಗ್ಗಿ ಮಾಡೋ ಅಲ್ಲಿಗೆ ಹೋಗಿ
ತಗ್ಗಿ ಬಗ್ಗಿ ನೋಡುವಿರಿ
ಹುಗ್ಗಿ ಮಾಡೋ ಸೌಟಲಿ ಬಡಿದರೆ
ಕುಂಯಿ ಕುಂಯಿ ರಾಗವ ಮಾಡುವಿರಿ                     ।।೨।।

ಹಿರೇ ಬೀದಿಯಲಿ ಓಡುವಿರಿ
ಕರೇ ಬೂದಿಯಲಿ ಹೊರಳುವಿರಿ
ಪುರಂದರವಿಠ್ಠಲರಾಯನ ಈ ಪರಿ
ಮರೆತು ಸದಾ ನೀವು ಚರಿಸುವಿರಿ                           ।।೩।।

Lyrics in English

Donku balada nayakare nivenutava madidiri ||pa||

Kanaka kutto allige hogi
Haniki iniki noduviri
Kanaka kutto onakeli badidare
Kumyi kumyi ragava haduviri ||1||

Huggi mado allige hogi
Taggi baggi noduviri
Huggi mado sautali badidare
Kumyi kumyi ragava maduviri ||2||

Hire bidiyali oduviri
Kare budiyali horaluviri
Purandaraviththalarayana I pari
Maretu sada nivu charisuviri ||3||

ನೆನೆವೆನನುದಿನ ನೀಲನೀರದ ವರ್ಣನ ಗುಣ ರನ್ನನ ||pa||

ಮುನಿಜನಪ್ರಿಯ ಮುದ್ದು ಉಡುಪಿನ ರಂಗನ ದಯಾಭರಿತನ ||a.pa||

ದೇವಕೀ ಜಠರೋ ದಯಾಂಬುಧಿ ಚಂದ್ರನ – ಗುಣ ಸಾಂದ್ರನ
ಗೋವಜ್ರಕೆ ಘನ ಯಮುನೆ ದಾಟಿ ಬಂದನ – ಅಲ್ಲಿ ನಿಂದನ
ಮಾವ ಕಳುಹಿದ ಮಾಯಾ ಶಟವಿಯ ಕೊಂದನ – ಚಿದಾನಂದನ
ದೇವರಿಪು ದೈತ್ಯೇಂದ್ರ ಶಕಟನ ಒದ್ದನ – ಶ್ರುತಿ ಸಿದ್ಧನ||1||

ಗೋಕುಲದ ಗೋಪಿಯರ ವಂಚಕ ಚೋರನ – ಬಹು ಧೀರನ
ಅನೇಕ ನಾರಿಯರ್ವಸನವನು ಕದ್ದೊಯ್ದನ – ತುರುಗಾಯ್ದನ
ನಾಕಿಯರಿಗರಿ ಧೇನುಕ ವತ್ಸವಿ ಘಾತನ – ವಿಖ್ಯಾತನ
ಕಾಕುಮತಿ ಕಾಳಿಂಗನ ಫಣ ತುಳಿದನ – ಅವಗೊಲಿದನ||2||

ಶೈಲವನು ಅಹಿ ಶಯನ ಬೆರಳಲಿ ಆಂತನ – ಬಲವಂತನ
ಸೋಳ ಸಾಸಿರ ಬಾಲೆಯರ ಕರ ಪಿಡಿದನ – ಸುಧೆಗುಡಿದನ
ಬಾಲೆ ಭಾಮೆಯರೊಡನೆ ಜಲಕ್ರೀಡೆ ಗಿಳಿದನ – ಅಲ್ಲಿ ನಲಿದನ
ಲೀಲೆಯಲಿ ಲಲನೆಯರಿಗಿಷ್ಟವ ಕೊಟ್ಟನ – ಸಂತುಷ್ಟನ||3||

ಕ್ರೂರ ಬಕ ಕೇಶಿಗಳನ್ನೆಲ್ಲ ಸೀಳ್ದನ – ಸುರರಾಳ್ವನ
ಅಕ್ರೂರ ಕರೆಯಲು ಹರುಷದಿಂದಲಿ ಬಂದನ – ಸುರವಂದ್ಯನ
ನಾರಿ ಕಬುಜೆಗೆ ಭೂರಿ ಸಂತಸವಿತ್ತನ – ಅತಿಶಕ್ತನ
ವಾರಣವನು ಕೆಡಹಿದ ಪ್ರತಿಮಲ್ಲನ – ಅತಿ ಚೆಲ್ವನ||4||

ಸುಲಭದಿಂದಲಿ ಶಿವನ ಧನುವನು ಮುರಿದನ – ನೆರೆ ಮೆರೆದನ
ಮಲೆತ ಮಲ್ಲರ ಕೆಡಹಿ ರಂಗದಿ ನಿಂತನ – ಜಯವಂತನ
ಖಳ ಕುಲಾಗ್ರಣಿ ಕಂಸನೆಂಬನ ಹೊಡೆದನ – ಹುಡಿಗೆಡೆದನ
ಬಲದಿ ತಾಯಿ ತಂದೆ ಬಂಧನ ಕಡಿದನ – ಯಶ ಪಡೆದನ||5||

ಭುವನ ಪಟ್ಟವನುಗ್ರಸೇನಗೆ ಕೊಟ್ಟನ – ಅತಿ ಶ್ರೇಷ್ಠನ
ಯುವತಿಯರಿಗುದ್ಧವನ ಕಳುಹಿದ ಜಾಣನ – ಸುಪ್ರವೀಣನ
ವಿವಿಧ ವಿದ್ಯಾಕಲೆಗಳೆಲ್ಲವ ನರಿತನ – ಶುಭ ಚರಿತನ
ಜನವ ಶಿಕ್ಷಿಸಿ ದ್ವಿಜನ ಕಂದನ ತಂದನ – ಆನಂದನ||6||

ಸುಮತಿ ಖಳಮಾಗಧನ ಯುದ್ಧದಿ ಗೆದ್ದನ – ಅನವದ್ಯನ
ದುಮಣಿ ಸಮ ದ್ವಾರಕಿಯ ರಚಿಸಿದು ದಾರನ – ಗಂಭೀರನ
ಸುಮತಿ ಮುಚುಕುಂದನೊದ್ದ ಯವನನ ಸುಟ್ಟನ – ಅತಿ ದಿಟ್ಟನ
ವಿಮಲ ಸುಚರಿತ್ರಾಷ್ಟ ಮಹಿಷಿಯ ರಾಳ್ದನ – ನೆರೆ ಬಾಳ್ದನ||7||

ಮುರನರಕ ಮುಖ್ಯರನು ಚಕ್ರದಿ ತಂದನ – ಕರಿವರದನ
ಸುರತರುವ ಸತಿಗಾಗಿ ತಂದ ಸಮರ್ಥನ – ಜಗತ್ಕರ್ತನ
ದುರುಳ ಶಿಶುಪಾಲಾದಿ ದೈತ್ಯ ಸಂಹಾರನ – ಬಹುಶೂರನ
ಕುರುಕುಲಕೆ ಲಯವಿತ್ತ ಪಾಂಡವಪ್ರೀಯನ – ಕವಿಗೇಯನ||8||

ಇಂತು ಇಳೆಯ ಸುಜನರ ಸಲಹುವ ಕಾಂತನ – ಸಿರಿವಂತನ
ಪಂಥವುಳ್ಳ ಪ್ರಸನ್ನ ಹಯವದನನ – ಮುನಿಮಾನ್ಯನ
ಸಂತತವೀ ಸಾರಕಥೆಯನು ಕೇಳ್ವರ – ನೆರೆಬಾಳ್ವರ
ಕಂತುಷಿತ ಕಾರುಣ್ಯದಿಂದಲಿ ಪೊರೆವನು – ಸುಖಗರೆವನು||9||

Lyrics in English

Nenevenanudina nilaneerada varnana guna rannana ||pa||

Munijanpriya muddu udupina rangana dayabharitana ||a.pa||

devaki jatharo dayambudhi chandrana – guna sandrana | govajrake ghana yamune daati bandana – alli nindana ||maava kaluhida maaya shataviya kondana – chidaanandana | devaripu daityendra shakatana oddana – shruti siddana||1||

Gokulada gopiyara vanchaka chorana – bahu dhirana aneka naariyarvasanavanu kaddoydana – turugaaydana naakiyarigari dhenuka vatsavi ghatana – vikhyatana kaakumati kalingana phana tulidana – avagolidana ||2||

Shailavanu ahi shayana beralali aantana – balavantana | solasaasira baaleyara kara pididana – sudhegudidana | baale bhameyayarodane jalakreedegilidana – alli nalidana | leeleyali lalaneyarigishtava kottana – santushtana ||3||

Kroora baka keshigalannella akroora kareyalu harushadindali | bandana – suravanyana naari kabujege bhuri santasa vittana atishaktana vaaranavanu kedahida prati mallana – ati chelvana ||4||

Sulbhadindali shivana dhanuvanu muridana – nere meredana | nintana – jayavantana khala kulagrani kamsanembana hodedana – hudigededana | baladi taayi tande bandhana kadidana – yasha padedana ||5||

Bhuva pattavanugrasenage kottana – ati shreshta | yuvatiyariguddavana kaluhida janana – supravinana || vividha vidyakalegalellava naritana – shubha charitana janava shikshisi dvijana kandana tandana – anandana ||6||

Sumati khalamaagadhana yuddadi geddana – anavadyana | dumani sama dwarakiya rachisidu daarana – gambhirana | sumati muchukundanodda yavanana suttana – ati dittana | vimala sucharitraashta mahishiyaraaldana – nere baldana||7||

Muranaraka mukhyaranu chakradi tandana – karivaradana | surataruva satigaagi tanda samarthana – jagatkartana durula shishupaaladi daitya samhaarana – bahushurana kurukulake layavitta paandavapriyana – kavigeyana ||8||

Intu ileya sujanara salahuva kaantana – sirivantana | panthavulla prasanna hayavadanana- munimaanyana | santatavee saarakatheyanu kelvara – nerebaalvara kantushita kaarunyadindali porevanu – sukhagarevanu ||9||

ಚಿಂತೆ ಯಾತಕೊ ಬಯಲ ಭ್ರಾಂತಿ ಯಾತಕೊ
ಕಂತುಪಿತನ ದಿವ್ಯನಾಮ ಮಂತ್ರವಿರಲು ಜಪಿಸದೆ||pa||

ಏಳುತುದಯ ಕಾಲದಲ್ಲಿ ವೇಳೆಯರಿತು ಕೂಗುವಂಥ
ಕೋಳಿ ತನ್ನ ಮರಿಗೆ ಮೊಲೆಯ ಹಾಲ ಕೊಟ್ಟು ಸಲಹಿತೆ ||1||

ಸಡಗರದಲಿ ನಾರಿಜನರು ಹಡೆಯುವಾಗ ಸೂಲಗಿತ್ತಿ
ಅಡವಿಯೊಳಗೆ ಹೆರುವ ಮೃಗವ ಪಿಡಿದು ರಕ್ಷಣೆ ಮಾಳ್ಪರಾರು ||2||

ಹೆತ್ತ ತಾಯಿ ಸತ್ತ ಶಿಶುವು ಮತ್ತೆ ಕೆಟ್ಟಿತೆಂಬರು ಜನರು
ಹುತ್ತಿನ ಹಾವಿಗೆ ಗುಬ್ಬಿಗೆ ಮೊಲೆಯನಿತ್ತು ರಕ್ಷಣ ಮಾಡುವರಾರು ||3||

ಗಟ್ಟಿ ಮಣ್ಣಿನ ಶಿಶುವ ಮಾಡಿ ಹೊಟ್ಟೆಯೊಳಗೆ ಇರಿಸುವಂಥ
ಕೊಟ್ಟ ದೈವ ಕೊಂಡೊಯ್ದರೆ ಕುಟ್ಟಿಕೊಂಡು ಅಳುವುದೇಕೆ ||4||

ನಂಬಿಗೆಗಿವು ಸಾಲವೆಂದು ಹಂಬಲಿಪುದು ಲೋಕವೆಲ್ಲ
ನಂಬಿ ಪುರಂದರವಿಠಲನೆಂಬ ನಾಮ ನುಡಿದ ಮೇಲೆ ||5||

Lyrics in English

Chinte yatako bayala branti yatako
Kantupitana divyanama mantraviralu japisade ||pa||

Elutudaya kaladalliveleyaritu kuguvantha
koli tanna marige moleya haala kottu salahite ||1||

Sadagaradali narijanaru hadeyuvaga sulagitti
adaviyolage heruva mrugava pididu rakshane malpararu ||2||

Hetta tayi satta shishuvu matte kettitembaru janaru
huttina havige gubbige moleyanittu rakshana maduvararu ||3||

Gatti mannina shishuva madi hotteyolage irisuvantha
kotta daiva kondoydare Kuttikondu aluvudeke ||4||

Nambigegivu salavendu hambalipudu lokavella
nambi purandaravithalanemba nama nudida mele ||5||