ಬೆಳಗಾಗಿ ಮೊದಲು ಪ್ರಾರ್ಥಿಸು ಮನವೆ
ಆದಿ ದೈವ ಗಣೇಶನ
ಗೋಕರ್ಣದಲಿ ಮಹಿಮೆ ತೋರಿದ
ಉರಗ ವಿಭೂಷಣ ಗಣೇಶನ ||ಬೆಳಗಾಗಿ||

ಆತ್ಮಲಿಂಗವ ಶಿವನಿಂದ ಪಡೆದು
ಬರುತಿರೆ ಲಂಕೇಶ ರಾವಣನು
ತನ್ನನು ಪೂಜೆಯ ಮಾಡದವನಿಗೆ
ಬುಧ್ಧಿಯ ಕಲಿಸಿದ ಗಣೇಶನು  ||ಆತ್ಮಲಿಂಗವ||
ವಟುವಿನ ರೂಪದಿ ರಾವಣನೆದುರು
ಬಂದನು ಸಂಜೆಗೆ ಗಣೇಶನು||ವಟುವಿನ||
ಸಂಧ್ಯಾ ವಂದನೆ ಮುಗಿಸಿ ಬರುವೆನೆಂದು
ಲಿಂಗವ ಇತ್ತನು ರಾವಣನು||ಸಂಧ್ಯಾ||   ||ಬೆಳಗಾಗಿ||

ಆತ್ಮಲಿಂಗವು ಅಸುರಗೆ ಸೇರಲು
ಹಾನಿ ಎಂದರಿತ ಗಣೇಶನು
ಭೂಮಿಗೆ ಲಿಂಗವ ಇಡಲು ಒಡನೆ
ದುಃಖಿತನಾದನು ರಾವಣನು   ||ಆತ್ಮಲಿಂಗವು||
ಅಂದಿನಿಂದ ಅದು ಗೋಕರ್ಣವೆನಿಸಿ
ಭೂಕೈಲಾಸವು ಆಗಿಹುದು||ಅಂದಿನಿಂದ||
ಗಣಪತಿ ಶಕ್ತಿಯ ಚಿಹ್ನೆ ಅದಾಗಿ
ಪುಣ್ಯ ಕ್ಷೇತ್ರವು ಎಣಿಸಿಹುದು||ಗಣಪತಿ||   ||ಬೆಳಗಾಗಿ||

Lyrics in English

Belagagi modalu prarthisu manave
aadi daiva ganeshana
gokarnadali mahime torida
uraga vibhushana ganeshana ||

Aatmalingava shivaninda padedu
barutire lankesha ravananu
tannanu poojeya madadavanige
buddhiya kalisida ganeshana ||
vatuvina roopadi ravananeduru
bandanu sanjege ganeshana |
Sandhya vandyane mugisi baruvenendu
lingava ittanu ravananu ||

Aatmalingava asurage seralu
Hani endarita ganeshanu
bhumige lingava idalu odane
dukhitanadanu ravananu |
andininda adu gokarnanenisi
bhukailasavu aagihudu |
ganapati shaktiya chinhe adagi
punya kshetravu enisihudu ||